Eustatek, euskal estatistika erakundeak sarritan kaleratzen ditu langabezia datuak. Azkena, joan den hilabetean hartutakoak izan dira.
Horren arabera ezagutu dugu, Euskal Autonomia Erkidegoan 76.225 langabetu daudela. Horiek dira behintzat enplegua eskuratzeko erregistratuta daudenak.
Kopuru horretatik 30.260 gizonezkoak dira eta ia 46.000 emakumezkoak.
Lurrelade historikoei begiratzen badiegu, Gipuzkoan 22.707 langabetu dago. Betiko moduan zifra altuena Bizkaian dago, ia 43.000 lagun.
Debagoienera etorrita, lan gabe dauden herritarrak 1.581 dira eta gurean ere, emakumezkoen tasa altuago da gizonezkoena baino. Alderatze aldera, Deba Behean 1.751 lagun daude lanik gabe eta Goierri gure eskualdeko datu berdintsua daukate, 1.523
Debagoieneko herriak ere kontsultatu ditugu eta hemen emaitza. Antzuolan 39 langabetu daude, Aramaion 16, Aretxabaletan 173, Arrasaten, gehien, 646; Bergaran 402, Elgetan 16, Eskoriatzan 121, Leintz Gatzagan 4 besterik ez eta azkenik Oñatin 180. Datu horiek, gogora dezagun, enplegua eskuratzeko erregistroan izena emandakoekin osatutakoak dira.