Datu batzuk:
- Urtero 350 kasu berri antzematen dituzte Gipuzkoan.
- Debagoienari dagokionez ez daukate Katxalin elkartean datu zehatzik. Beste zona batzuekin konparatuz, antzerako zifrak dira guztietan.
- EAEn, urtero, 100.000 emakumetatik 100 kasu antzematen dituzte
- Hilkortasun tasari dagokionez, 100.000 emakumetatik 27 hiltzen dira. Katxalin elkartekoen arabera, hilkortasun tasa mantentzen ari da.
- Adinari dagokionez, tasarik handiena, 50-70 urte bitarteko emakumeengan dago. Horrek ez du esan nahi adin tarte horretatik aparte ez dagoenik kasurik.
- Adin tarte horretako emakumeak sartzen dira Osakidetzaren prebentzio kanpainan, hau da, 50-64 urte bitartekoak.
- 2007ko urtarriletik aurrera, 69 urtera arte luzatuko da prebentzio kanpaina. Adin tartea jaistea ere eskatu dute baina ez omen da posible; 45 urterekin, mamografiak ez du erantzun bera ematen-eta.
Katxalin elkartea
1987an hasi zen lanean elkartea. Arrasaten, 2004a geroztik daude. Astean behin (eguaztenetan) izaten dira, Emakume Txokoan.
Bularreko minbizia duten gaixo eta senitartekoekin egiten dute lan Katxalin elkartean.