EAJ-k eta EA-k agintaldi honetarako duten akordioari jarraituz, presidente jeltzalea aukeratu zuten, Aretxabaletako alkate Arritxu Oliden esan bezala. Gobernu batzordea osatzen duten 16 lagunetik 14 izan ziren atzo Gatzagako Udalean egindako bileran, eta hauetatik bederatzik eman zuten Olidenen aldeko bozka.
Hark ordezkatuko du, beraz, Inazio Lakuntza Mankomunitateko buru bezala. Gogoratu, Lakuntza eta Arrasateko beste hiru ordezkariak kendu egin zituztela euren postuetatik, udalbatzarraren gehiengoaren esanetan Osoko Bilkuran hartutako erabakiak Mankomunitatean defendatu ez izanagatik.
Arrasateko lau ordezkari berriak
Olidenekin batera, gobernu batzordeko lau kide berriek, Arrasateko lau ordezkari berriek, ere atzo hartu zuten euren kargua. Ezker Batuko Ander Rodriguez, PSE-ko Matilde Martin, PP-ko Itziar Lamarain eta talde mistoko Ines Aldai dira ordezkari berriak.