Goizean abisatu digu debagoiendar batek militarrak Kanpanzarren zeudela esanez. Sustatun eman genuen maniobren berri hilaren 26an. Gaur heldu dira Debagoienera.
Azpeitia eta Zumaia artean eta Berriatua eta Ondarroa artean Espainiako Armadako ehunka soldadu maniobra militarretan dabiltzala jakin genuen Imanol Muruak bidalitako mezu batean. Gerora, Otxandiotik Gasteizera bitartean, Abadiñon, Itsasondoko Udalera ere abisua heldu da, Galdakaon zehar ere ibili dira, Asuan (sondika alboan) eta Unben (erandio eta urduliz artean), Aiaraldean eta Laudion... Eta orain Debagoienean.
Ur Gorostiagak ere eman zigun maniobren berri. Ez oraingoekin lotuta, baiña bai Baionan izaten direnen berri emanez.
Laster informazio gehiago
Goienako kazetari bat joan da maniobrak egiten diharduen lekura. Arrasate Irratiak konexioa egingo du Goienako kazetariarekin, telebistako albistegian ere landuko da gaia eta Goienkariarako ere landuko dugu. Goiena.ne-en edozein berri delarik ere sartuko dugu jakin bezain laster.