Taberna berri jatetxeak bloga du Goiena.net-en

Aretxabaletako Taberna berri jatetxearen ardura Isasmendi familiak du 1959 urtea ezkero. Historia handiko jatetxea da, baina beti zerbait berria eskaintzeko gertu daude; sukaldaritza klasikoan oinarritutako platerak eskaintzen dituzte, modernitate ukitu batekin. Orain, modernitate horren ispilu, Internetera egin dute salto eta jatetxeko berri emango dute sarean ere.

Jatetxean bi jangela dituzte, 150 eta 80 pertsonarentzako. Barra bat ere badute pintxo eta ardo aukera zabalarekin.

Menu ezberdinak eta karta

Jangelan familia arteko edo negozio-bazkarietarako toki erreserbatuak dituzte, jateko aukera handia eskaintzen dutelarik: menu ezberdinak, karta... Beti ere lehengaien kalitatea aintzat hartuta eta sukaldaritza klasikoan oinarrituta, modernitate ukitu batekin.

Jatetxearen Interneteko txokoa bisitatu nahi izanez gero, hemen helbidea: www.goiena.net/blogak/tabernaberri

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.