Lehendakariak baserritarren lana goraipatu gura izan du gaur Elgetan. Debarroa proiektuaren aurkezpena jendetsua izan da. Baserritarrek Debagoieneko, Debabarreneko, Foru Aldundiko eta Eusko Jaurlaritzako politikariekin bat egin dute. Gonbidatu nagusia, Juan Jose Ibarretxe lehendakaria. Elgetako herriko plazan egin diote harrera guztiek. Eta handik Espaloia Kafe Antzokira.
Landa ingurunea
Debarroa osatzen duten eskualdeen %80 da landa ingurunea. Hala ere, zonalde horiek ezezagunak direla aipatu du Juan Carlos Zuloagak, Eusko Jaurlaritzako Landa Garapenerako zuzendariak. Eta horixe Debarroa proiektuaren helburua. Debemen eta Deba Garaia landa garapenerako elkarteen bitartez landa inguruarekiko sentsibilizazio kanpaina abiaraztea.
Debarroa proiektua Debagoienean eta Debabarrenean jarri dute martxan. Edonola ere, beste eskualde batzuendako erreferente bihurtu daiteke. Debarroako aurkezpen ekitaldia amaitzeko Gurutze Beitia aktore ezagunak emanaldia eskaini du. Garaiak aldatzen doazen arren, euskaldunon sustraiak baserrian daudela gogorazi du umorez.
Artemanek antolatu du Elgetako Ekitaldia.