Irudi eta lelo erakargarriak erabiliz erakutsi dute udal euskaltegia dela euskara ikasteko modurik gertukoena, erosoena eta errazena.
Etxean bezala kanpaina
Kanpaina berriak hainbat euskarri izango ditu. Mezu bera zabaltzeko kartelak, esku-orriak, prentsa iragarkiak eta egutegiak erabiliko dituzte besteak beste. Baina, horien guztien gainetik, aurten garrantzi berezia eman gura diote Interneti.
www.udaleuskaltegiak.net webgunearen bitartez Udal Euskategien informaziorik osatuena jarriko dute herritarren eskura. Gainera, urteko matrikula bat ere zotz egingo dute urrian.
Kanpaina berriren aurkezpen ekitaldia amaitzeko Arrasateko Udal Euskaltegiko ordezkari Iñazio Lakuntzak hartu du hitza. Izan ere, aurten 25 urte bete ditu euskaltegi horrek. Arrasateko alkateak gogoratu du euskararen erabilera gero eta esparru gehiagotara iritsi arren oraindik zer egin ugari dagoela.