Arrasaten
Arrasaten argia joan da bart behin baino gehiagotan. Horrek, besteak beste eragina izan du Makatzena auzora ura igotzeko bonbetan. Ondorioz, ur barik egon dira zenbait ordutan. Goizeko lehen ordutik dabiltza udaleko langileak hori konpontzeko behar direnak egiten.
Mondragon hotelean ere kalteak utzi ditu ekaitzak terrazan. Han eguzkitarako dituzten parasolak bota eta hainbat apurtu ditu. Handik gertu, Zaldibar pilotaleku inguruan haizeak arbola mehe bat ere apurtu du.
Arbolapetan dagoen zuhaitzaren hainbat adar ere apurtu ditu haizeak eta udaletxeko brigadako langileak ibili dira goizean adar horiek mozten.
Zarugalde kalean teilatu zati bat ere bota du haizeak.
Bezeroen Arreta Zerbitzuan internetik gabe gelditu dira eta ezin dute lana normaltasun osoz egin oraingoz.
Bestela, udaletxeko zerbitzuetako sailetik adierazi digute Arrasaten beste hainbat kalte izan direla, baina oro har ez dela ezbehar handirik sortu.
Eskoriatzan
Eskoriatzako Apotzaga auzoan baserri batean egin berri zegoen blokezko horma bat bota du haizeak.
Aramaion
Aramaioko Untzila auzoko errepidean ere izan da ezustekorik. Haizeak zuhaitz bat atera du errepidera.
Elgetan
Argia joanda egon da tarte baten. Aparteko arazorik ez, ez bada Torrealdeako garabia zarataz egon dela gauez. Bertako bizilagunek jakinarazi digute nahiko eragozpen eragiten dituela sortzen duen zaratak.