Cybereuskadi elkarteak euskal webguneen rankinga plazaratu du, Alexatik ateratako datuekin. Erabili.com-ek Euskal Herri osoko webguneak jasotzen dituen zerrenda horretatik euskara hutsezko webguneen sailkapena atera du. Sailkapen horretan lehenengo dago Sustatu.com; Goiena.net, berriz, seigarren postuan dago. Bestalde, Erabili.com-en diote euskarazko webgune elebakarrek gora egin dutela.
2005ean euskarazko webgune elebakarren hogeiko zerrenda osatzeko zerrenda orokorraren ia 1.000. posturaino iritsi behar izan bazuten, aurten 20ko zerrenda hori Cybereuskadi-ren zerrendako lehenengo 500en artetik osatu ahal izan dute. Beraz, Euskal Herriko webguneen artean iaz baino bisitari gehiago dituzte aurten euskarazko webgune elebakarrek.
Euskarazko webgune elebakarren rankinga
- Sustatu.com (32)
- Eibar.org (47)
- Berria.info (48)
- Euskalerria.org (93)
- Aurki.com (97)
- Goiena.net (122)
- Argia.com (171)
- Herria.info (258)
- Librezale.org (285)
- Dantzan.com (300)
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak