Euskal Autonomia Erkidegoko kale zein errepideetan izaten diren istripuak ekidin gura dituzte kanpaina berriarekin. Batez ere, autoak harrapatzeko arriskua dagoen lekuetan izango dira zainketa egiten. Zebra bideetan, semaforoetan, bidegurutzeetan eta horrelakoetan.
Ekimen horren berritasun garrantzitsuena zera da: oinezkoei bidea ematen ez dieten gidariak edo bidea oker zeharkatzen dituzten oinezkoak zigortuko dituztela agenteek.
Oinezkoen kasuan, semaforoa gorrian dagoela bidea gurutzatzeak edo zebra biderik ez dagoen lekuan bidea zeharkatzeak 90 euroko isuna ekar dezake. Hala ere, zigor hori 100 eurokoa izan daiteke ibilgailuek lehentasuna duten lekuan oinezkoek bidea ematen ez dietenean.
Gidarien kasuan, semaforo gorria piztuta pasatzeak edo seinalatutako pasu batean oinezkoak duen lehentasuna ez errespetatzeak 150 euroko isuna ekarriko du. Gainera, uztailaren 1etik aurrera, gidabaimeneko lau puntu galduko ditu gidari arau-hausleak.
