Izendapenaren bidez lortu nahi dena da,
- Aizkorri-Aratzeko natura balio eta baliabide garrantzitsuak babestea, eta
- kanpoko inpaktuek ekologian eta paisaian eragin ditzaketen kalteak saihestea.
Hala ere, talde ekologistek salatu dute natur parkeak ez duela babes perimetrorik eta natur parketik kanpo geratu direla jada bertan harrobiak edo aisialdi guneak egitea aurreikusi diren lekuak.
Arlabandik Otzaurtera
Aizkorri-Aratz aldea Gipuzkoa eta Arabako lurralde historikoen arteko mugan dago, eta bi lurralde historikoak banatzen dituen mendilerroa hartzen du; gutxi gorabehera Arlaban eta Otzaurte portuen arteko eremua. Alde hori, berriz, lau arabar udalerrik (Asparrena, Zalduondo, Durruma eta Barrundia) eta zazpi gipuzkoarrek (Leintz-Gatzaga, Eskoriatza, Aretxabaleta, Oñati, Legazpi, Zerain eta Zegama) osatzen dute.
Patronatua osatzea
Parkea administratu eta kudeatu Arabako eta Gipuzkoako organo eskudunek egingo dute. Eusko Jaurlaritzaren dekretuak oinarrizko jotzen du, gainera, patronatu bat eratzea Aizkorri-Aratzeko Natur Parkeko aholkularitza eta lankidetza organo gisa.
Gipuzkoako natur parkerik handiena
Hala, Gipuzkoako 15.509 hektareekin lurralde horretako natur parkerik handiena da. Ondoren daude Aralar (11.000 hektarea), Aiako Arria (6.000) eta Pagoeta (1.350). EAEri dagokionez, berriz, bigarren handiena izango da, Gorbeiaren ondoren (20.000 hektarea ditu).