Haur Hezkuntzako 4 eta 5 urtetako haurretatik hasi eta Batxilergora arteko ikasleek osatutako abesbatzak izango dira. Baina, aurten berritasun bat izango dute topaketek, hainbat guraso eta langile batu egin baitira Arizmendiko Batxilergoko ikasleen abesbatzara.
Zaletasuna piztu
Ibarrean egiten den abesbatzen topaketa bakarra da hau. Zaletasun handia dago, baina honelako ekitaldi gutxi egiten dira. Hala, hutsune hori betetzea nahi du ekitaldiak.
Horretaz gain, abesteko zaletasuna piztea ere nahi du Arizmendi ikastolak. Hasieran, txapelketa zen, baina ikastetxeei ez zitzaien gustatu sortzen zen lehiakortasuna eta topaketak dira ordutik.
Saharako herria laguntzeko
Sarrera doan izan ohi zen lehen topaketetan; baina eserleku kopurua mugatua zela-eta, antolakuntzak pentsatu zuen sarrera sinboliko bat kobratzea. Hori horrela, batutako diruaren laurdena Gobernuz Kanpoko Erakunde baten proiektua bultzatzeko izaten da. Aurtengoa, Saharako herria laguntzeko erabiliko da.