GOITBko lankideek New Yorken bizi den Josu Iriondorekin eta Londresen dagoen Jone Ojangurenekin egin zuten berba atzoko iluntzeko albistegian. Arrasate irratian analisia egingo du Mikel Usabiagak eta horren laburpena ere emango dugu 11:00etan.
Josu Iriondo, legazpiarra - New York
"Euskaldunok bakegileak gara eta albiste handia da niretzako. Batez ere, hemen euskaldun guztiok ETAkoak ikusten gaituztelako; hemen euskaldun denok gara gerrillero."
"Euskaldunok oso unibertsalak gara eta eskubidea dugu gu izateko, bakearekin."
Jone Ojanguren, elgetarra - London
"Egunkarietan irakurri dut su-etenaren berri, baina gainontzean kalean ez da gauza handirik igarri. Guardian-en aritu naiz begira Interneten eta lehenengo orrian zekarren albistea; hori bai, gehiegi sakondu gabe."