Gaztetxe eta Gazte asanbladen koordinadorak antolatu du gaztetxeen martxa eta iragarri du aurten inoizko udaberririk biziena izango dela. 16 egunez, herririk herri ibiliko dira Euskal Herriko gaztetxeetako gazteak. 100 gaztetxetik gora ibiliko dira ibilaldian.
Autogestioaren aldeko aldarria egingo dute eta, besteak beste, inoiz eten ez diren desalojoen aurkako protesta ere agerian jarriko dute.
Debagoienean
Apirilaren 27an Oñatira iritsiko da Gaztetxeen Martxa, 18:00ak inguruan. Ondoren Arrasatera joango dira eta gaua Arrasaten emango dute. Hurrengo egunean Bergara aldera abiatuko dira eta hortik Debabarrenera jarraituko dute.
Hala, Pausoz pauso autogestioari ateak zabaltzen. Herri bat gaztetxe bat leloarekin, gazteen eta gaztetxeen mugimenduak duen ugaritasuna erakutsiko dute Euskal Herri osoan.