Ikasleak 14 kirol motatan lehiatuko dira Euskadiko titulua irabazteko helburuarekin. Horretarako, hiru unibertsitateetako fakultateetan aurretiaz egin dituzte kanporaketa saioak.
Kirol motak
Euskadiko joko hauek hamaika kirol motek osatzen dituzte: eskubaloia, rugbia, eskuzko pilota, gomazko paleta, saskibaloia, frontenisa, squasha, mahai tenisa, xakea, futbola, areto futbola, 7 futbola, tenisa eta waterpoloa.
Lehiak ondoko tokietan izango dira: Arrasateko Iturripe, Musakola eta Garagartza kiroldegietan eta Uarkape pilotalekuan; Oñatiko kiroldegian; eta Aretxabaletako Ibarra futbol zelaian.
Irabazleak Espainiako Txapelketara
Txapelketa hau irabazten duten ikasleek Unibertsitate Kiroleko Espainiako Txapelketan hartuko dute parte. Txapelketa hori martxoaren 10etik 28ra bitartean egingo da, Madrilen, Murtzian, Valentzian, Gironan eta Bartzelonan. Bertan, estatuko unibertsitate guztietako ikasleak bilduko dira.
Alabaina, unibertsitate kirolak izango du aurreragoko hitzordurik; Unibertsitate Kiroleko Munduko Txapelketa, hain zuzen. Txapelketa hori nazioarteko hainbat herritan egingo da.