Bihar, hilak 7, Bergaran eskualdeko manifestazioa egingo du ESK sindikatuak; 18:00etan da hitzordua, Bergarako plazan. Etzi, berriz, Arrasateko Emakumeen Kontseiluak deituta aterako dira kalera emakumeak, Zainketa lanak banatzea! leloarekin. Hitzordua 19:00etan da, Seber Altuben.
Aramaio eta Eskoriatza
Aramaioko Itur-Zuri elkarteak film emanaldiak, antzerkia eta auto-estimuaren eta auto-laguntzaren gaineko hitzaldia antolatu ditu. Eskoriatzan Amuska emakumeen elkartearekin elkarlanean zapaturako laga dute martxoaren 8ko aldarrikapena. Jai giroan gogoratuko dute eguna eta afaria egingo dute Mendigoia hotelean. Bide batez, elkartean egindako eskulanak erakutsiko dituzte arratsaldean zehar.
Hezkidetza jaia, Arrasaten
Arrasateko ikastetxeek eta Udal Hezkuntza eta Aukera Berdintasunerako Sailak, urtero legez, hezkidetza jaia egingo dute. Bihar, martitzena, Emakumearen Egunaren testuinguruan, Uarkapen. Goizean goizetik ekingo diote jaiari (08:45-20:00) eta jolasak, tailer ez sexistak, argazki ez sexisten erakusketa eta bestelakoak egingo dituzte.