Programan parte hartzen duten haurrek 7 eta 12 urte bitartean dituzte, eta errefuxiatuen kanpamentuetan jaio eta hazi dira. Osasun, elikadura eta hezkuntza gabeziak dituzte eta udan 50ºC-ko tenperaturak jasaten dituzte.
Programaren helburuak:
- Oporrei begira, haurrek aukera izatea ondo pasatzeko eta liburuetan bakarrik ikusi izan dituzten hainbat errealitate ezagutzeko.
- Osasun aldetik, ume bakoitzari azterketa medikoa egitea, eta behar izanez gero tratamendua ematea.
- Elikadura aldetik, bi hilabetetan elikadura gabeziei aurre egitea.
- 1975etik errefuxiatu kanpamentuetan bizi diren sahararren egoeraren berri jakitea eta Sahararen eta Euskal Herriaren arteko harremanak estutzea.
Programan parte hartu edota informazioa nahi dutenek, *martxoaren 30a baino lehen deitu beharko dute honako telefono hauetara:
Nubi Elkartea:
685724816
685724817
685724818
Bestalde, martxoan zehar Oporrak Bakean programaren inguruko zenbait hitzaldi informatibo egongo dira NUBI Elkartearen eskutik. Hitzaldien egunak ordea, zehazteke daude.
Saharar Errepublika Arabiar Demokratikoa-ren 30. urteurrena
Marokoren errepresioa jasaten duten saharar herritarren oroitzapenetan, Saharar Errepublika Arabiar Demokratikoa-ren 30. urteurrena ospatuko da. Egitarau zabala prestatu dute:
- Otsailaren 25ean: festa Bergaran
- Otsailaren 27an: Euskadiko hiri eta herrietan kontzentrazioak
- Otsailaren 27an: Okupazio ankerrari aurre egiteko, erresistentzia baketsua egiten ari den herriari elkartasuna adierazteko, saharar bandera jartzeko proposamena luzatzen diegu erakundeei zein euskal herritarrei.