Sariak ziurtatzen du Fagorrek produktua asmatzen duen unetik produzitzen duenera arte ingurumena errespetatzen duela. Hau da, prozesuan erabiltzen diren elementu guztiak erabat birziklagarriak direla. MCCko presidente, Jesus Cataniaren hitzetan, ekodiseinuaren alorreko ziurtagiri hau oso garrantzitsua da. Izan ere, kalitatearen aldeko apustua egin behar dugula esan du produktuak Euskal Herrian bertan ekoizten jarraitzeko.
Ekitaldian, Juan Jose Ibarretxe, lehendakariak azaldu du ezinbesteko dela gizartearen partehartzea. Kontsumo ohiturei buruz ere hitz egin du. Izan ere, isurtzen dugun karbono dioxidoa %40koa da. Horrela jarraituz gero, historia osoan kontsumitu duguna, 25 urtetan kontsumituko dugula ere esan du.
Ekitaldian izan da Eusko Jaurlaritzako Ingurumen kontseilari Esther Larrañaga ere. Fagorrekin jaio, hazi eta hezitako kontseilariak esan du kooperatibak jauzi handia eman duela oraingoan. Gaineratu du euskal enpresek ingurumena zaintzeko ahalegin handiak egin dituzten arren, haratago joan behar dutela. Fagor jarri du adibide moduan, bere konpromisoa produkturaino eraman duela esanez.