Gaurko saioa hasi bezain laster beste hilabeteko atzerapena eskatu du Arantza Zulueta defentsako abokatuak agiri guztiak behar bezala aztertzeko. Hiru aste ehun mila agiri horiek aztertzeko nahikoa ez direla izan arrazoitu du defentsako abokatuak. Fiskaltza eta akusazio partikularra etenaren aurka agertu dira, baina, azkenean, beste bi astez epaiketa bertan behera uztea erabaki du epaimahaiak, otsailaren 13 arte.
Urtarrilaren 9an eten zuten
Defentsako abokatuek inputatuen gaineko agiri guztiak aztertzeko denbora izan zezaten eten zuten epaiketa orain dela hiru aste. Hain zuzen ere, 75/89 diligentziak ikusteko eta aztertzeko aukera izan zezaten. Abokatuek uste dute agiri horiek oso garrantzitsuak direla, epaiketaren zati handi bat euretan oinarrituta dagoelako.