DVDak 21 kantu eta jolas biltzen ditu. 4 eta 8 urte bitarteko gaztetxoei dago zuzendua. Grabazioa Debagoineko eta Aramaioko eskola eta ikastoletako haurrekin egin dute.
Jolas eta abesti ezberdinak
- Esku jolasak
- Erritmo jolasak
- Soka saltoko abestiak
- Gomarako jolasak
- Zotz egiteko
Ikastetxeetan banatuko da
Guztira, 3.100 ale banatuko dira 4 eta 8 urte bitarteko haurren artean. Zehazki datorren astean. Irailean, berriz, 4 urteko haurrei banatuko zaie. Produktua, ikastetxean bertan haurrei emango zaie gutun azal batean sartuta.
Liburuxka: Biharko euskara gaur
DVDarekin batera liburuxka bat ere banatuko da. Liburuxka gurasoei aholkuak emateko helburuarekin dago egina. Kike Amonarrizek egin du gainera. Euskaraz eta gazteleraz banatuko da. Bertan hizkuntza arloko zalantzak argitzeko irizpideak daude. Hala, gurasoei euskaraz hezi eta jolastearen garrantzia azalduko zaie.
Egindako lanarekin gustora
Joxe Felix Diaz de Tuesta, Arrasateko Euskara Teknikaria, Arrasate Irratian elkarrizketatu dute. Pozik azaldu da emaitzarekin eta egindako lanarekin. "Irudi oso politak ditu, praktikoa da eta jendeak erabiltzeko erraza."