Elkartasun kanpaina ekonomikoari ekin dio 18/98+ plataformak auziperatuen galera ekonomikoari aurre egiteko. Helburua da, ahal dela, hileroko 423.400 euroko gastuari aurre egiteko dirua batzea.
Bi bide
Horretarako bi bide jarri ditu plataformak: batetik, 20 euroko bonoak saldu; bestetik, Euskadiko Kutxan ireki duten kontu korrontean dirua sartu.
Maite Aristegik, 18/98+ plataformako kideak, azaldu digunez, "bonoak herrietara banatuko ditu plataformak, eta, besteak beste, Gabonetan egiten diren ekitaldiak ere aprobetxatuko dira kanpainaren berri eman eta bonoak saltzeko. Dena dela, bonoak, 20 eurokoak guztiak, sinbolikoak dira. Garrantzitsua dena da kontu korrontera dirua sartzea".
Kontu korrontea
Euskadiko Kutxa: 3035-0149-40-1490027825
Hilero 423.400 euro
18/98+ plataformak egindako kalkuluen arabera, auziperatutako 59 lagunen epaiketa hilero 423.400 euro kostatzen da. Hortxe batuta daude, besteak beste, desplazamendu eta dietak, abokatu taldearen aurrekontua, bai eta lanera joan ezinagatik kobratzeari lagatako soldatak.