Eusko Jaurlaritzak eta Espainiako Gobernuak martitzenean lortu zuten AHTren gaineko akordioa. Finantzaketa modua finkatu dute: Jaurlaritzak berari dagozkion lanen dirua aurreratuko du, eta gero Kupotik deskontatuko du kopuru hori. Bestalde, Debagoieneko lan guztiak Sustapen Ministerioak egingo dituela ere finkatu dute.
Ibarreko zatia
GasteizArrasateBergara zatiko lanak 2006 hasieran hasiko dituzte. Gainera, Aramaio, Arrasate eta Eskoriatzari eragingo die. Urte bukaeran, berriz, Arrasate-Bergara-Bilbo zatia egingo du Madrilek.
AHT-aren aurkako mugimenduak
AHT Gelditu! Elkarlanak gogor salatu du hitzarmena. Hala, zapatuan, abenduaren 17an batzar orokorra egingo dute Bergarako kultura etxean, 10:00etan. Bestalde, hurrengo hilabeteetan hainbat mobilizazio egingo dituztela adierazi dute.