Bederatzi herri, bi edizio, hiru egoitza eta 19.000 ale egubakoitzero; eta beste edizio bat astelehenetan. Hori guztiori eta gehiago da zenbakitan Goienkaria.
Bost urteko ibilbidea
Laburra bai, baina oparoa da ere Goienkariaren historia. Hasieran, ibarreko herri aldizkariekin batera banatzen zen. Herri gehienetan hamabostekari edo hilabetekariak zeuden orduan eta haiekin batera banatzen zen.
Gero, herri aldizkariek egunkari itxura hartu zuten, 2001eko urrian, eta Goienkariarekin bat egin. Itxura ez ezik, maiztasuna ere bateratu zuten. Guztiak asteroko izatera pasa ziren.
Asteleheneko Goienkaria
Asteleheneko Goienkaria 2003ko abenduaren 22an jaio zen. Asteburuan ibarrean gertatzen den guztia jsotzen du. Egun 4.700 harpidedun ditu.
Edizio bakarra
Orain erronka berria dauka Goienkariak. Urtarriletik aurrera, eduki, orri banaketa eta diseinu berria izango du. Guzti honen berri emateko bloga dauka Goienkariak. Animo, sartu bertan eta eman zure iritzia!