Blog berria Goiena.net-en: Desplazatua

Marijo Deogracias kazetariak sortu berri du "desplazatuaren bloga". Antzuolarra da jaiotzez, baina Gernikan bizi da orain. Hortik datorkio, besteak beste, izena blog honi. Berba egitea gustatzen zaio eta orain mingaina teklatuarengatik ordezkatuko du.

Bere blogean, arrazoi hauxe ematen du Desplazatua izenaren gainean: Zornotzan bizi nintzela, ofizialki Amorebieta-Etxano, medikuarengana joatea tokatu zitzaidan. Nire medikuaren izenagatik galdetuta, hangoa ez nintzela eta ez neukala bertan medikurik azaldu nien. "Desplazatua zara, beraz" esan zidan harrerakoak eta nik, berriz, "ba… horrela izango da".

Goienako kazetaria da Marijo eta Asteleheneko Goienkaria-n dihardu lanean.

Zorte on, Marijo, blogarekin!

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.