Ahozko Jardunak Hobetzeko Proposamenak liburua, irailaren 21ean Arrasateko Udalean eta 22an Eibarko Portalen aurkeztuko dute. Aurkezpen biak goizeko 11:00etan izango dira eta Iban Arantzabal arituko da moderatzaile lanetan. Ondoren, liburua salgai jarriko dute liburu dendetan 10 euroren truke.
Helburua
Libruru honen bidez, ahozko jardunean egiten diren akatsak zuzentzea lortu nahi da. Gainera, akats horiek ekiditeko ariketak ere proposatzen dira bertan. Guraso, begirale, irakasle edo umeekin ibiltzen den edozeini dago zuzendua.
Adibideak euskalkian
Hizkerari dagokionez euskara batuan izango dira sarrera, aurkibide eta azalpen gramatikal guztiak. Adibideak eta proposamenak, berriz, herri-hizkeretan. Ariketak ere herri desberdinetako ahozko jardunetik jasoak dira.
Ariketak herri bakoitzerako moldatu dira, bai hizkera aldetik, bai herri bakoitzeko erreferentziak erabilita (plaza izenak, toki izenak, lexikoa...). Ikusi hemen oraingoz prest daudenak.