Ohiko ordu eta egunetan batuko dituzte etxeetako zaborrak, hondakin handiak, papera eta kartoia, ontziak, beira, pilak, olioa zein ehunkiak. Bergarako, Arrasateko eta Oñatiko garbiguneek, ordea, abuztuan txandaka eskainiko dute zerbitzua. Bergarakoa martitzen eta egubakoitzetan egongo da zabalik. Arrasate eta Oñatikoa eguazten eta zapatuetan. Guztiak 09:00etatik 13:30era.
Hondakinen bilketa zentroak
Garbiguneak hiri hondakinen gaikako bilketa zentroak dira. Arriskuak ekiditeko eta birziklatzeko jasotzen dira bertan. Eskualdeko herritarrentzat dira, baita gremioentzat eta denda eta bulegoentzat ere. Hala ere, ez da onartuko industrian sortutako hondakinik.
Garbiguneetako zerbitzua doan da. Hondakinak nork bere ibilgailuarekin eramango ditu eta zaintzaileak esandakoari kasu egin. 3.500 kilo baino gutxiagoko ibilgailuek bakarrik deskargatu ahal izango diuzte hondakinak garbigunean.
Erabiltzaile bakoitzak astean gehienez 750 kilo hondakin utz ditzake, hondakinak hustu ostean, beharrezkoa baldin bada, ingurua garbitu beharko da.
Epeleko zabortegia
Abuztuan Epeleko zabor biltegian ere ordutegia murriztuko dute; 09:00etatik 13:00etara egongo da zabalik.
Epeleko zabortegia ibarreko enpresentzat da. Industrian edo eraikuntzan sortutako hondakinak, CER-Hondakinen Europako Katalogoan hondakin arriskutsutzat katalogatu gabeak, eta Mankomunitateak jarritako onarpen-probak gainditzen dituztenak jasotzen dira bertan.