Sabin Intxaurragaren ordez sartuko da Esther Larrañaga eta hartuko duen kargua izango da Lurraldearen Antolakuntza eta Ingurumena . Ondo ezagutzen du egin behar duen lana Kontseilari lanetan Patxi Ormazabal zegoenean ere bigarrena izan baitzen.
Nazio Eztabaida Gunean ere ibili da EA alderdiko Larrañaga, edo Hondarribia eta Irun-eko alarde mixtoaren alde agertu izan da, besteak beste. Ahizpa bat du Arrasteko Udalean EAko zinegotzi, Amaia Larrañaga. Jesus Larrañaga MCCren sotzaileetako baten alaba ere bada.
Ibarretxek aurreko Jaurlaritrzaren oso antzekoa osatu du oraingoan. EAJn dago aldaketa bakarra. Nuria Lopez de Gereñu, Amannen ordez garraio sailean.
EAren kongresuaren ondorenak
EAren kongresuan izan ziren botere tira-birek eragindako aldaketak izan dira Larrañaga postu horretara eraman dutenak. Kanpoan geratu dira Intxaurraga eta Iztueta, kongresuan beste ildo bat defendatu zutenak.
Kabinetearen osakera
- EAJ: Juan Jose Ibarretxe, Idoia Zenarruzabeitia, Javier Balza, Ana Agirre Zurutuza, Gabriel Inclan, Miren Azkarate, Gonzalo Saenz de Samaniego eta Nuria Lopez de Gereñu.
- EB: Javier Madrazo.
- EA Joseba Azkarraga, Jose Antonio Canpos eta Esther Larrañaga.