Erantzukizun eske Ospitalari ama eta jaio berria hil zirelako

Pasa den zapatuan, ekainak 4, erditzen ari zen emakumea eta honen haurra hil egin ziren Eskualdeko Ospitalean. Familiak salaketa jarri du heriotzen erantzukizuna argitzeko.

Osakidetzaren arabera, ez dago errua medikuena dela esateko frogarik. Guztia argitzeko emakumearen eta haurraren gorpuei egingo dieten autopsiaren zain dago Osakidetza. Hildakoen senitartekoek medikuen akatsa izan zela diote eta jarri dute salaketa epaitegian.

Ezbeharra

Zorigaiztoko ezbeharra pasa den zapatuan, ekainaren 4an, gertatu zen. Alicia G.B. -k haurdunaldi ona izan zuen eta ez zuen osasun arazorik. Hau bigarren haurdunaldia zen. Ustez, erditzeko prest zegoen Alicia, eta medikuek dena ondo ikusi zuten. Hala ere, erditzea konplikatu eta Alicia bihotzekoak jota hil egin zen. Haurrari eragin egin zion erditze zailak, eta ordu batzuk geroago hura ere hil egin zen.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.