Gipuzkoako Foru Aldundiko Lur eta Garraio Zuzendaritzak eta Debagoieneko Mankomunitateak , martxan jarri dute garraio plan berezia. Bi zerbitzu jarri dituzte: Abebe Bikila eta Ben Johnson.
Pesa autobus zerbitzuak
Ohiko geltokiak (Abebe Bikila):
Bergara-Eskoriatza eta Eskoriatza-Bergara ibilbidea egingo duten autobusak 30 minuturo irtengo dira.
Ezohiko geltokiak (Ben Johnson):
Zerbitzu honek geldiune bakarra izango du herri bakoitzean:
Bergara: Ibargarai
San Prudentzio: Ohiko tokian
Arrasate: Debagoieneko Ospitalean
Aretxabaleta: Azben
Eskoriatza: Estankoan
Autobus hauek ere 30 minuturo irtengo dira.
Bi autobus zerbitzu hauei esker, autobusak izango dira 15 minuturo.
Oñatirako zerbitzua
Oñatirako zerbitzua ere aldatu egingo dute. Oñati-Arrasate eta alderantzizko ibilbidea egingo du autobusak. Arrasaten Abebe Bikila edota Ben Johnson autobusak hartu beharko dira Eskoriatza aldera edo Bergarara joateko.
Bono bereziak
Erabiltzaileek bonoak ateratzeko aukera ere izango dituzte:
- Egun bateko bonoa: 3,50 euro
- Bi eguneko bonoa: 6,50 euro
- Hiru eguneko bonoa: 9,50 euro
Bestalde, Pesa autobus konpaniak gaueko autobus zerbitzua indartuko du. Ikusi ordutegiak.