Proba hau, sasoi fisiko oso ona daukaten atleta eta mendizaleentzako da. Oso teknikoa eta zailtasun handikoa da gainera. 42,195 kilometro ditu probak eta Zegaman izango du irteera eta helmuga. Tartean, 12 pasagune eta 11 jan eta edateko gune izango dira.
Proban 18 urtetik gorako kirolariek parte hartu ahalko dute eta guztiak bi kategoria ezberdinetan sailkatuko dira: gizonezkoak eta emakumezkoak.
Maratoiko ibilbidea
Ibilbidea gogorra da benetan. Lehiakideek Euskal Autonomia Erkidegoko mendi tontor garaienak igoko dituzte: Aratz, Aizkorri, Aketegi eta Aitxuri. Zegama-Aizkorri Mendi Maratoia, Munduko Mendi Lasterketen Zirkuituan dago. Gainera, lasterketa honetan, mendi lasterketen Euskal herriko II.Txapelketa ere jokatuko dute partaideek.