Sharon Stoner, talde oñatiarrak amaitu du diskoaren grabaketa. Orain, banan-banan abesti guztiei forma ematen ari dira Mikel, Iñigo eta Egoitz, Sharon Stonerreko kideak, eta laster, kaleratzeko prest izango dute gainera. Horretarako, baina, produktua kaleratuko dien diskoetxe bat bilatu beharko dute.
Danbaka lehiaketako irabazleak
Sharon Stonerrek irabazi du Danbaka Musika Lehiaketako lehen edizioa. Horrek ate ugari zabaldu dizkiela adierazi du Egoitz Olalde bateria joleak Arrasate Irratiak, goizean egin dio elkarrizketan. Kontzertu askotarako deitu diete eta kritika oso onak jaso dituzte gainera, ikus-entzunezko zein prentsa idatziko hedabideetan.
Uda parterako kontzertu gehiago dituzte aurreikusita. Izan ere diskoa kalera irteterakoan desiatzen egongo gara taldearen Stoner musika entzuteko.
Asteleheneko Goienkariak erreportaje zabala egingo du diskoaren grabaketa lanen nondik-norakoak kontatuz.
Zorionak eta animo hirukote!