Gaur, apirilak 15, egingo da txapelketako lehenengo kanporaketa Ondarroako gaztetxean. Afaria egingo dute 20:30ean eta ondoren egingo da saioa, 22:30ean.
Hurrengo saioak
- Apirilaren 22an, Debako gaztetxean.
- Apirilaren 29an, Soraluzeko gaztetxean
Hiru saioetan puntuazio altuena lortzen duten sei bertsolariek Mutrikuko gaztetxean egingo den finalean kantatuko dute, maiatzaren 7an.
Bertsolariak
Sustapen sariketa izanik Eskolarteko txapelketarako garaia joan eta plaza aukera gutxi duten bertsolariak arituko dira. Bertsolariak gonbidapen bidez aukeratzen dira.
Epaimahaia
Hiru aurresaioetan eta finalean epaimahai bera izango dute bertsolariek. Aitzol Astigarraga, Eneritz Azkue eta Asier Ibaibarriaga arituko dira.
Egin beharreko lana
Aurresaioetan bertsolari bakoitzak ondorengo lana burutu beharko du:
- Ofizioko bi saio egokitutako doinuan
- Koplatan (handia edo txikia) 4na kopla
- Gai bati 2 bertso doinu eta neurri librean
Finalerako lanak :
- Ofizioka 3na bertso 8ko handian.
- Ofizioka 3na bertso 8ko txikian.
- Hasierako puntua emanda 2 bertso osatu 8ko Txikian.
- Kartzelakoa, gai bati 2 bertso neurri eta doinu librean.