Hilaren 16an jubilatuen mendi martxa izango da Eskoriatzan. Goizeko 9etan abiatuko dira parte hartzaileak Arizmendi ikastolako Almen gunetik eta 12:30ak aldera amaituko dute Almenen bertan. Ibilbideak 10 kilometro izango ditu (Almen - Eskoriatzako plaza - Eraña - Mendiola - Almen) eta amaieran opariak eta luncha izango da guztientzat. Debagoieneko jubilatuen elkarteetako eta Aramaioko elkarteko ordezkariak izango dira mendi martxan, guztira 250 lagun.
Oskorri eta Kukubiltxo taldeen azken ikuskizuna Arrasaten
Apirilaren 24an, Oskorri eta Kukubiltxo taldeen "DOKTOR DO RE MI ETA BENEDIZEBRA" ikuskizuna izango da Arrasateko Uarkape pilotalekuan, arratsaldeko 18:00etan. Sarrerak aldez aurretik salgai izango dira eta baita emanaldiaren egunean ere. Oskorriren eta kukubiltxoren ikuskizun berria dago oinarrituta Gipuzkoako haur kantuez Oskorrik eginiko disko berrian. Oskorri eta kukubiltxoren espektakulurik fisikoena da, kimikoena eta magikoena, umeentzat eta heldu argientzat. Ikuskizun bikoitza da, eszenatokian gertatzen dena eta umeek beraiek, proposatzen zaizkien hamaika jolasen bitartez, eskaintzen dutena. 40 lagunek esku hartuko dute ikuskizunean.
Abesbatzen topaketa Uarkape pilotalekuan
Apirilaren 30ean, abesbatzen topaketa egingo da Arrasaten. Uarkape pilotalekuan izango da topaketa 17:00etatik aurrera. Sarrerak balioko du 3 euro eta dirua izango da Harreman gobernuz kanpoko erakundearentzat. Arizmendi ikastolako zenbait taldek esku hartuko dute topaketan. Gainera; Berriz, Aramaio eta Oñatiko abesbatza gazteak ere izango dira eta gonbidatu sorpresa bat.