Guztira EAEko 116 ikasle joan dira egun hauetan atzerrira praktikak egitera eta horietako bederatzi eskualdeko ikastetxeetako ikasleak dira:
- Bergarako Migel Altuna Institutukoak, bost
- Oñatiko Larraña Institutukoak, bi
- Aretxabaletako Aretxabaleta Arrasate Institutukoa, bat
- Arrasateko Eskola Politeknikokoa, bat
Lanera
Ikasle hauek hiru hilabete egingo dituzte atzerriko enpresetan lanean eta ikasketak bukatuta dituztela itzuliko dira etxera. Administrazio eta fidantzak, metal arloa zein informatika arloko enpresetan egingo dituzte praktikak, besteak beste.
Ikaslan
Ikaslan duela 15, 16 urte sortu zen eta EAEko Lanbide Heziketako ikastetxeak biltzen dituen erakundea da. Ikasleak 400 orduko praktikak atzerrian egiteko proiektu honek Bruselatik, Jaurlaritzatik eta Aldunditik jasotzen du finantziazioa eta ikasleek soilik euren gastuetarako dirua eraman behar dute; bidaia eta egonaldia ordainduta dituzte.