Ibarreko preso politikoen senitartekoek bat egin dute Euskal Preso Politikoen Kolektiboa burutzen ari den borrokaldiarekin. Euskal preso politikoak txandakako txapeo bat burutzen ari dira espetxe guztietan urtarrilaren 4az geroztik. Borroka ekimen horrek isolamendu politikoarekin bukatzeko eskatzea du helburu.
Kolektiboak prozesu politikoan parte hartzeko bermeak nahi ditu eta, horretarako, beharrezkoa dela oinarrizko eskubideekin batera eskubide politikoak ere onartzea esan du Etxeratek.
Hilaren 19an, Fleuryra
Euskal preso politikoen borrokaldiari euren atxikimendua azaltzeaz bat, hilaren 19an Fleury-Merogisera egingo den martxa nazionalean parte hartzeko deia luzatu dute Etxerateko kideek. Parisko espetxe hartan hil zen iaz Oihane Errazkin presoa. Autobusa martxoaren 18an, 19:30etan, aterako da Arrasateko Garibaitik. Txartelak Irati tabernan daude salgai, 10 eurotan ikasle eta langabeentzat eta 20 eurotan gainerakoentzat.