Cambridgeko Unibertsitateak eta Euskal Kristau Eskolak urtarrilean sinatutako hitzarmen baten bidez, Oñatiko Elkar Hezi ikastetxeak Cambridgeko azterketa ofizialak Oñatin egiteko aukera zabaltzen die debagoiendarrei. Matrikula egiteko epea zabalik dago Elkar Hezi ikastetxean bertan. Argibideetarako, 943 78 28 70 telefonora deitu behar da eta Maite Gantxegirengatik galdetu.
Azterketak Oñatin egiteak bi abantaila nagusi ditu: batetik, urrutiagora joan beharrik ez izatea; bigarrenik, ohiko bideetatik baino merkeagoa izango dela. Adibidez, First Certificate tituluarendako azterketarendako matrikula 130 euro kostatuko da, 150 beharrean.
Guztira, 11 titulurendako azterketak izango dira. Lehenengoa maiatzaren 14an izango da, eta azkena, ekainaren 7an.