Martitzenean da eguna eta Arrasateko Emakumeen Kontseiluak kale agerraldia deitu du Seber Altubetik (19:00). Bergaran, 17:30ean, txokolatada eta dantzaldia iragarri dituzte Artatsen, Beke eta Jam aretoko emakumeek. Eskoriatzan, berriz, Abuela antzezlana egingo du Virginia Imazek, 18:00etan Ibarraundin, Udalak eta Amuska taldeak antolatuta.
Emakume langileen egunaren ostekoetan ere bada egun hori gogora ekartzeko hitzordurik. Eguaztenean eta eguenean, Bergaran, Latinoamerikako emakume talde batek hitzaldia egingo du Go Jam aretoan (18:30). Martxoaren 11n, Antzuolan, Te doy mis ojos filma jarriko dute eta emakumeen kontrako tratu txarren gaineko berbaldia emango du Ermuko Emakumearen Sustapenerako arduradun Asun Ramosek. Asteburuan emakumeen azoka dago Arrasaten, eta afaria, Aretxabaletan. Afarirako deitu: 943 71 42 22.
Emakume langileak
ESK sindikatuak egin du emakume beharginen gaineko azterketa Bergarako MAYC enpresan. Datuen arabera, 2003ko urtarriletik 2005eko otsailera bitartean MAYCen egindako behin behineko 313 kontratuetatik %29 sinatu zituzten emakumeek. Sindikatuak salatu du, epe horretan egindako kontratazioen %70 gizonezkoak izan direla eta "denbora laburragoan lortzen dute mugagabeko kontratua, emakumeekin alderatuta. Emakumeek ezegonkortasunaren kateari lotuak jarraitzen dute".