Badator elurra berriro

Azken ordua 16:25: Une honetan mendate guztiak zabalik daude. Zenbait tokitan elurra mara-mara dihardu eta tentuz gidatu beharra dago. Eguraldi adituen arabera, ilunkaran eguraldiak okerrera egingo du eta elurra 100 metrora bota dezake.

Elurra dela eta, hasi dira arazoak mendateetan. Zenbait errepidetan elurra eta izotz plakak daude eta kontu handiz gidatzeko eskatu du Herrizaingo Sailak.

Hona hemen eguerdiko 12:00etako egoera: Arlaban, Leintz Gatzaga, Udana, Kanpanzar eta Deskargako mendateak irekita daude baina kontu handiz gidatzeko eskatu du Herrizaingo Sailak elurra eta izotz plakak daude eta. Elgeta kamioendako itxita dago eta derrigorrezkoak dira kateak autoendako.

Tenperaturak behera egingo du eta 100 metrora botako du elurra iluntzean.

Mendateen berri jakin dezakezue telefono honetan: 902 112 088. Baita webgune honetan ere: www.trafico.euskadi.net

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.