Bidaiariak eta merkantziak garraiatzeko ahalmena izango duen trena du helburu Jaurlaritzak. Eta, hala, gaur egun kamioiz hain beteta diren errepideen onerako izango dela uste dute. Bereziki, Gipuzkoan sumatuko da kamioien joan-etorriaren gutxitzea. Irun eta Gasteiz arteko errepidean, egunero 1.000 kamioi gutxiago ibiliko dira.
90 eta 230 km/h
Horretarako, Abiadura Handiko Trenak gehienez 230 km/h-ko abiadura hartuko du, eta gutxienez 90 km/h-koa. Jaurlaritzako ordezkariak Suitzan egon berri dira, merkantziak garraiatzeko trena bertatik bertara ezagutzeko. Era horretan, kamioiak trenetara igo, eta eurentzat egokitutako konboietan joango dira. Eusko Jaurlaritzaren ustez, istripuak gutxitu eta zirkulazioa arintzeaz gain, erregaien kontsumoa jaitsi egingo da, eta ingurumenari mesede egin. 7.100 litro gasolio gutxiago kontsumituko dira egunean, egin dituzten kalkuluen arabera.