Arrasaten eta Bergaran eguenean, otsailaren 24an, 18/98 + plataformak deitu duen kontzentrazioekin bat egin dute Debagoieneko Batasuna eta herrietako plataformek. Gainera, larunbatean Bilbon egingo den manifestaldirako deia ere egiten dute.
Sei debagoiendar inplikatuta
Sei dira makrosumario honetan inplikatuta dauden debagoiendarrak: Jose Luis Elkoro, Xabier Arregi, Iñigo Elkoro, Fermin Lazkano, Amaia Arrieta eta Natale Landa.
Mozioak udal guztietan
Bestalde egun hauetan Madrilen, euskal gazteriaren aurka egiten ari den epaiketa fartsa salatzeko mozioa aurkeztu dute ibarreko udal guztietan. 18/98 + plataformaren arabera, "Bergaran, momentuz, ez da aurkeztutako moziorik tratatu, oraingo honetan eta egoeraren larritasuna kontutan harturik eta gainera bai Victoriano, bai PNV-ko beste buruzagi batzuk Kursaalean egon zirela kontutan harturik, mozio hau tratatzea espero dugu".