Mondrak eta Hondarribiak bihar, zapatua, arratsaldean jokatu behar zuten Atxabalpen. Arrasateko futbol zelaia nola zegoen ikusita, baina, astean zehar Mondrak Ibarra futbol zelaian jokatzeko eskaera egin dio Aretxabaletako taldeari. UDAk domekan jokatu behar zuen Real Unionen kontra, baina badirudi Ibarra futbol zelaia ez dagoela hobeto. Oñatiko Azkoagain futbol zelaiaren gainean ere beste horrenbeste esan genezake. Hala, hiru futbol zelai horietan ez dute partidurik jokatuko.
Aloña Mendik, baina, Zestoaren zelaian jokatu behar du bihar, eta partidu hori ez dute atzeratu (zapatuan, 16:00etan). Bergarak ere etxetik kanpo jokatuko du, Lesakako Beti Gazteren kontra (domekan, 16:30etan). Bergarako maila txikietako taldeek, baina, ez dute arazorik izango Agorrosinen jokatzeko.
Errugbikoak Getxora
Arrasate Errugbiko talde nagusiak Getxon jokatuko du asteburuan. Eskerrak, ikusi nola zegoen eguaztenean Garagartzako zelaia.