Ibarreko lau ordezkariek ez dute urtea berdin hasi. Bergarakoei on egin die oporrak, Gordobilen mutilek 2-1 irabazi zieten Touring-ekoei. UDAren gainean ezin gauza bera esan; aretxabaletarrak esku hutsik bueltatu ziren-eta Ordiziatik (2-1). Hala, Bergarak beheko postuak atzean uzteko beste aurrerapauso bat egin zuen, eta UDAk goialdekoak hurbilago izateko aukera galdu. Domekako derbia irabazteko, baina, Bergarak ondo egin beharko ditu gauzak, aretxabaletarrak indartsuak dira-eta etxean.
Ibarreko beste bi ordezkariak
Aloña Mendik 2-0 galdu zuen Real Unionen kontra. Oñatiarren egoerak txarrera egin ez dezan, Aitor Oruetaren mutilek ezin dute domekan Anaitasunaren kontra hutsik egin (15:45, Azkoagainen). Mondrak, berriz, Mutrikuren bisita izango du domekan baita ere (15:45, Atxabalpen). Josu Zubiak zuzentzen duen taldeak balio handiko hiru puntu ekarri zituen Ordiziaren zelaitik, eta domekan irabazita bikain hasiko lukete urtea: bi jokatu eta biak irabazi.