Atzo, eguaztena, Jesus Larrañaga zenak kooperatibismoaz idatzitako liburua aurkeztu zuten Arrasaten:"Dilema del cooperativismo en la era de la globalización". Jende ugari hurbildu zen ekitaldira, Joseba Azkarraga, Justizia eta Lan sailburua, Leire Ereño Gipuzkoako Diputazioa ordezkatuz, Patxi Ormazabal Kooperatiben Elkargoaren ordezkaria, eta MCCko arduradun ugari. Maiatzean hil zen Jesus Larrañagaren familiartekoak ere ekitaldian izan ziren. Une hunkigarriak bizi izan ziren ekitaldian, bereziki, Jose Mari Ormaetxeak hitz egin zuenean.
Patxi Ormazabalek hasieran esan moduan, liburuaren aurkezpenarekin omenaldia egin nahi izan zitzaion Jesus Larrañaga zenari, Arrasateko kooperatibismoaren sortzaileetariko bati.
Azkarraga sailburuak, berriz, Larrañagaren bertuteak azpimarratu nahi izan zituen "bere bizitza koherentea, balioz eta bertutez beterikoa, eta bereziki ideiak trukatzeko zuen gaitasuna nabarmendu nahi ditut", esan zuen sailburuak. Era berean, pertsonekiko eta gizartearekiko azaldutako konpromisoa goraipatu zituen.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak