Goiena.net-en bildu ditugu lehiaketan parte hartzeko aukeratutako hogei taldeen argazkiak, bakoitzaren fitxa eta talde bakoitzaren kanta bat jarriko dugu hilaren 19an goizean. Guztira, 43 talde aurkeztu ziren lehiaketara eta horietatik hogei talde aukeratu ditu epaimahaiak lehiaketan parte hartzeko.
Goiena.net-en egin dugun Danbakarako tartean dituzue:
- Kontzertuen egutegi zehatza
- Taldeen fitxak eta informazioa
- SMS mezuen bidez botoak emateko modua eta arauak
Barikuan, hilak 22, lehenengo kontzertua
Oraingo barikuan hasiko da lehiaketa. Espaloia Kafe Antzokian izango dira zuzeneko emanaldi guztiak (bost emanaldi eta finalekoa) 22:30ean. Lehenengo kontzertuan lau talde hauek joko dute:
- Potemkin (Oñati)
- Jim TNT (Arrasate)
- Matxura (Elgeta-Soraluze)
- Amonal (Oñati)
Hurrengo emanaldiak azaroaren 5ean eta 19an eta abenduaren 3an eta 17an izango dira. Finala urtarrilaren 14an izango da.
Kontzertuetarako sarrerak Espaloian edo Gaztekutxan
- Kontzertu bakoitzeko: euro 1 (Gaztekutxan) eta 3 euro (Espaloian).
- 6 kontzerturako abonua: 6 euro (Gaztekutxan) eta 15 euro (Espaloian).
www.gaztekutxa.net webgunean erosi daitezke sarrerak.
Ikusleen saria, SMS mezuen bidez
Danbaka lehiaketak bi sari izango ditu: lehenengoa, lehiaketako epaimahaiak emango duena, diskoa grabatzea. Beste bat ere egongo da: bateria bat eta 1.000 euroko erosketa bonua, Gasteizko Carrion dendan musika instrumentuetan gastatzeko. Sari hori ikus-entzuleek emango dute SMS mezuak bidalita.
Danbaka (tartea) musika taldearen izena bidali 7744 zenbakira. Mezu bakoitzaren kostua 0,90 euro + BEZ. Sariak egongo dira mezuak bidaltzen dituztenen artean.