Debagoieneko graffitigile guztiek hitzordua dute urriaren 2an Mendaron, izan ere, han jokatuko da Euskal Herriko I. Graffiti Lehiaketa. Topagunea Euskara Elkarteen Federazioak deitu du. Lehiaketan parte hartu gura dutenek marrazkiaren zirriborroa bidali beharko dute Topagunearen helbidera (Arlozabal 8 bis 1C; 48.220 Abadiño, Bizkaia), irailaren 25ean, azken egunez.
Lau sari banatuko dituzte: teknika egokienari, gaia ondoen islatu duenari, koloreak ondoen erabili dituenari, eta graffiti original eta freskoenari. Sari bakoitza 1.200 eurokoa izango dira.
Oinarriak
Honako oinarriak ezarri dituzte:
- 15 urtetik gorako Euskal Herriko gazteek parte har dezakete.
- Bakarkako nahiz taldeko lana izan daiteke.
- Teknika librea da; gaia euskara da.
- Zirriborroa DIN A3 formatuan aurkeztu behar duzue, eta koloretan.
Argibideetarako, deitu 94 621 51 16 telefonora, edo idatzi gazteak@topagunea.com helbidera.