Maiatzaren 25eko Udal Hauteskundeak "herri honek inoiz ezagutu dituen hauteskunderik antidemokratikoenak" izan zirela adierazi dute herri plataforma ezberdinetako kideek. Urte honetan apartheid politikoa jasan behar izan dutela salatu dute plataformek. Adierazi dute, "zailtasunak zailtasun, herri plataformak osatzen dugunok orain dela urtebete hartutako konpromisoari heldu diogu, eta lanean aritu izan gara gure herriaren alde".
Hona hemen, herriz herri, burutuko dituzten ekintzak:
- Antzuolan, 19:00etan herriko plazan.
- Aretxabaletan, 19:00etan udaletxe aurrean.
- Arrasaten, arratsaldeko 19:30ean kontzentrazioa herriko plazan.
- Bergaran, arratsaldeko 19:00etan kontzentrazioa San Martin plazan.
- Elgetan, kontzentrazioa 20:00etan plazan.
- Eskoriatzan, mobilizazioa 19:30ean herriko plazan.
- Oñatin, 19:30ean Bidaurretako errotondan.