Ikastaroak, tailerrak eta mintegiak egingo dira UNEDek antolatutako uda ikastaroetan. Guztira 18 gai landuko dira, hiru arlo ezberdinetakoak: gizarte zientzien arloa, osasun arloa eta psikopedagogia arloa.
Ekainaren 22tik uztailaren 2ra arte egingo dira ikastaroak. Laburrena, 6 ordukoa da eta luzeena, 20koa. Ekainaren 5ean amaitzen da izena emateko epea.
Gai ezberdinak edonorentzat
Xabier Amurizak, bertsoak egiten eta praktikan jartzen erakutsiko du, esaterako; Fernado Morillo idazleak idazteari buruz hitz egingo du: Iñaki Perurena eta beste bi lagunek, herri kirolen garrantzia zein den azalduko dute; Lola Garcia irakasleak, haurren hezkuntza eta jolasak aztertuko ditu, eta Juanjo Olaizolak, trenaren iragana, oraina eta lehena izango ditu hizpide, adibidez. Ikastaroen gaineko informazio guztia UNED-Bergarako webgunean eskuratu daiteke.