Inbertsioei dagokienez, 16 milioi euro inbertitu zituen iaz Fagor etxe tresnen taldeak eta 2003ko bukaeran ia 6 mila lagun ari ziren lanean. Azpimarratu beharrekoak gainera, iaz kalitatean egindako aurrerapausoak: batetik, , enpresa bikaintasunaren felipe printzea saria lortu zuen, egosketa negozioan finalista geratu zen eta garbiketa negozioak zilarrezko q saria lortu zuen. Aurrera begira atzerriko lantegietan du ikusmira Fagor Etxetresna taldeak. Hori dela eta, Polonian duen lantegirako 4 milioi euro baino gehiago bideratu ditu, bertan hiru produkzio gune berri abiarazteko. Poloniako merkatuari dagokionez, bertan lider izaten jarraitzen du, eta Marokoko plantaren jarduera ere ondo doa. Marokon, ur berogailuak, hozkailuak, sukaldeak eta garbigailuak egiten dituzte. Txinako lantegian ere aurreikuspenak oso-osorik bete egin dira.