Arizmendiko Almen gunean izan gara gaur. Garapen jasangarriaren inguruko ariketa bat egiten harrapatu ditugu ikasleak. Izan ere, oraingo astean asko hitz egingo da garapen jasangarriaren eta agenda 21aren gainean Arizmendin. Kultura asteko gai nagusia izango da, eta ekintza gehienak izango dira garapen jasangarriaren gainekoak.
Monterronen gaur eta bihar eta Eskoriatzako kultura etxean datorren astean erakusketa jarriko dute ikusgai. Baratze kritikoa da erakusketaren izenburua, eta Nafarroako Mugarik gabeko taldeak ekarriko du. Beste zenbait ekintza ere egingo dituzte, eta zapatuan Arrasateko kaleetan eta ferixalekuko gunean festa handia izango da.
Zapatuan festa handia egingo dute Arrasateko kaleetan
Goizeko hamarretan hasiko dira ekitaldiak Seber Altuben. Bertsolariak, abesbatzak eta antzerki emanaldiak izango dira Seber-en. Ferixalekuan ere ekitaldi ugari izango dira egun osoan. Era berean, Andaluziako, Galiziako, Extremadurako eta Euskal Herriko gastronomia dastatzeko aukera izango da. Gainera, Kilometroak 2004ko eta Nafarroa Oinez-ekoek euren produktuak salmentan izango dituzte. Ekitaldiak ikasleendako, gurasoendako eta gainerako herritarrendako izango dira.
Eguenean ikasleak bizikletan joango dira eskolara. Garapen jasangarriaren aldeko ekintzan
Oraingo astean, beraz, egongo da zer egin eta zer ikusi Arizmendiko guneetan. Eguenean, esaterako, nahi duten ikasle guztiak bizikletan joango dira Almen gunera Arrasatetik, Aretxabaletatik eta Eskoriatzatik.