Foru Ogasunaren egoitza Mintegi kalean zegoen orain arte. Joan den egubakoitzean, lekuz aldatu zen: hain zuzen, Toki Eder plazako 5era. Kontuan hartu beharko dute hori errenta aitorpen mekanizatua egitera doazen debagoiendarrok. Kanpaina astelehenean hasiko da. Edozelan ere, bulego berria zaharraren pare-parean dago, errepidearen beste aldean, alegia.
Urte osoko zerbitzua
Bulego horretan egongo dira errenta aitorpenak tramitatzeaz arduratuko diren zortzi teknikariak; baina, urte osoan zehar, Foru Ogasunak han du egoitza. Fiskalitatearekin zerikusia duen edozein kontsulta edo gestio burutu daiteke han. Errekurtsoa aurkeztu dutenen aitorpenak ere errepasatzen dira.